Euskarazko
baliabide digitalak benetan dira aproposak ikastetxeko eguneroko jardunean ez
ezik, etxean ere euskara zein euskal kultura lantzeko. Hala ere, irakasle,
ikasle eta familien artean hauekiko ezjakintasuna handia dela antzeman dugu;
guk geuk ikasitako graduetan zehar gai hau oso modu murritzean jorratu
dugularik. Arrazoi hau dela medio, bigarren ariketa honetan hutsune honen
inguruan hausnartu eta sarean dauden bitartekoak ezagutu zein helaraztea izango
dugu xede nagusi. Bereziki, irakasle garenean testuinguru zein komunikazio
behar ezberdinei erantzuteko errekurtso aproposak izate aldera.
Ikasitako graduetan zehar, gure kasuan Haur Hezkuntza
eta Lehen Hezkuntza, gehien bat Blogger erabili dugu ikasgai ezberdinetan
blogak sortzeko eta hauek elikatuz gure lanak partekatzeko. Kahoot ere baliatu
izan dugu, aurrezagutzak azalarazteko, zenbait gairen inguruko galdetegiak
osatzeko eta ikasitako edukiak finkatzeko. Hala ere, aztertutako bi
zerrendetatik eta guk aukeratu ditugunetatik, nabarmentzekoa da unibertsitateko
urte hauetan zehar erabili ditugunak bi bakarrik izan direla; Xuxen (testuak
zuzentzeko) eta Ahotsak (testigantzak jasotzeko), alegia.
Horrenbestez, ikus daitekeen bezala, sei urtetako
ibilbide luze honetan, sarean dauden oso bitarteko gutxi ezagutu eta erabili
ditugu, hauekiko ezjakintasuna handia dela nabarmentzen delarik. Kausa hau dela
medio, eta egungo IKT-ekiko beharrak handiak direla kontuan hartuta, honekiko gure
formakuntza urria dela ondoriozta genezake. Izan ere, orain arte, zuzenki
honekin lotuta ikasgai bakarra izan dugu eta horrek eskaini diguna ere gutxiegi
dela pentsatzen dugu, batez ere, CmapTools plataformarekin mapa
kontzeptualak egitean zentratu ginelako.
Hutsune hau asetzeko asmoz sarean eta modu erraz zein
eskuragarrian dauden bitartekoak jasotzen dituzten bi zerrenda aztertu ditugu: “Etxean
goxo egoteko euskarazko baliabideen zerrenda (UEMA)” eta “Euskarazko
baliabideak sarean, zerrenda”. Bertan agertzen diren baliabideetatik, talde
gisa, honakoak hautatu ditugu:
1. Etxean goxo egoteko euskarazko baliabideenzerrenda (UEMA)
HAURRENTZAT
- Jolasak eta eskulanak
Filmak,
marrazki bizidunak eta telesailak
Ipuinak
eta abestiak
HELDUENTZAT
- Orokorra
2.
Euskarazko baliabideak sarean, zerrenda
Material
didaktikoa
Haurrentzako
ikus-entzunezkoak eta jolasak
Euskal
kultura
Hizkuntzaren
ingurukoak
Errekurtso hauek aukeratzearen arrazoi nagusia
aniztasunari erantzuna emateko duten nahia izan da; behar ezberdinei erantzuteko baliagarriak baitira
(jolasteko, filmak ikusteko, ipuinak eta abestiak entzuteko, informazioa
lortzeko, bizitza historiak ezagutzeko, euskal kultura bultzatzeko, hizkuntza
hobetzeko…) eta, horrez gain, haurrei ez ezik gurasoei ere zuzentzen direlako.
Azken alderdi hau nabarmentzekoa da, izan ere, ikasleen eragile nagusiak diren
pertsonek ere sarean dauden bitarteko aproposak ezagutu zein baliatzea benetan
da esanguratsua; txikiei ezagutza, balio zein entretenimendu seguruak eskaintze
aldera.
Praktikaldietan ikusi dugunean oinarrituz,
azpimarratzekoa da ikastetxeek baliabide gutxi erabili izan dituztela behatu
dugula; horien artean errepikakorrenak ipuinak birtualki kontatzen dituen Symbaloo
plataforma, ikasleen eguneroko zereginak partekatu eta familiei helarazteko
eskoletako blogak eta guraso zein tutoreen arteko harreman eta komunikazioa
bideratzeko Alexia edota E-inika plataformak izan
direlarik.
Horregatik, aurrez aipatutako zerrendetan agertzen
diren baliabideak ikastetxeei ezagutaraztea ondo etor dakieke; euskal kultura
zein euskara bera sustatzeko oso baliagarriak baitira. Horien artean, Lehen
Hezkuntzako etaparako, Xuxen zuzentzailea, Hitzketa eta Ahotsak
plataforma gomendatuko genituzke. Izan ere, lehenengoa modu zuzen eta
autonomoan idazteko lagungarria da, bigarrenak baliabide didaktiko anitzak
eskaintzen ditu eta, azkenak, berriz, bizitza historio desberdinak ezagutuz, gure
herriaren nondik norakoak modu interesgarri edota dinamikoan barneratzeko zein
gelan jorratzen diren bestelako gaiak aberasteko balio dezake. Haur Hezkuntzako
aldiari begira, ordea, ipuinak entzuteko audio bankua oso aproposa dela uste
dugu; hauek, modu errakargarrian azalduz, beraien garapenean funtzio garrantzitsua
betetzen baitute eta ezagutza anitzak helarazi.
Ikastetxetik kanpo, etxean edota bestelako esparruetan
ere izaera honetako errekurtsoak ezagutu eta baliatzea oso erabilgarria da,
konfinamendu garaian gertatu bezala. Orokorrean, zerrendetan agertzen diren eta
guk hautatu ditugun guztiak dira aproposak, baina, aisialdiarekin lotuta
euskarak eta kultur euskaldunak bere lekutxoa izan dezan EITB-ren euskarazko
filmak, Argia aldizkaria, KantuKolore eta Galtzagorri gomendatuko
genituzke; informazioa, kantak, produkzio audiobisualak zein kontaketak
euskaraz ere badaudela ikustarazi eta hauetan trebatzeko aukera ematen baitute,
norbanakoaren hizkuntza bera ere indartu zein hobetuz.
Amaitzeko, talde gisa gure ekarpena egitea ere
gustatuko litzaiguke. Horregatik, sarean, irakasle, ikasle zein gurasoei
zuzenduta eta edonork eskuratzeko moduan dauden baliabide hauek gomendatzen
ditugu:
- Euskara e-baliabideak bloga → Euskaraz sortutako bitarteko anitzak biltzen
dituen bloga.
- Nire lehen lan koadernoa euskaraz → Durangoko Berritzeguneko kideek oinarrizko
kontzeptu batzuk ikasleekin lantzeko sortutako materiala; bereziki, euskaraz ez
dakiten ikasle etorri berriei zuzenduta.
- LH Baliabideak bloga → Lehen Hezkuntzako etapan, ikasgaika banatuta,
errefortzu gisa erabiltzeko material anitza dago.
- Aittu → Ipuinak irudiekin.
- Etxegiroan → Audioak euskaraz.
